Just my luck

Síðan ég horfði á myndina Just my Luck með Lindsay Lohan í jólafríinu hef ég verið endalaust óheppin. Ég held að ég hafi náð botninum í dag.

Vaknaði klukkan átta og dreif mig út. Bílinn var gaddfreðinn og ekk varmafræðilegur möguleiki að hann leyfði lyklunum mínum að verma sig. Ég varð að stela Atla bíl að minnsta kosti í fyrsta tímann. Auðvitað var ég hvorki með blað né blýant því skóladótið mitt var í harðlæstri og frosinni krúsímúsinni. Auðvitað þurfti Ragnar að byrja á fullu spani að skrifa skekkjur og milligildissetningar. Auðvitað var ég dauðþreytt!
Eftir tímann fór ég til Atla því hann þurfti að mæta í vinnuna kl. 10. Næsti tími hjá mér var einmitt kl.10. En nei nei ég sofnaði og Atli fór í vinnuna. Í einhverju móki vildi ég ekki fara í skólann, auðvitað vildi ég það! Bara ekki svefnErna.


Ég hrökk upp klukkan hálf tvö! haaa hálf tvö!!! Ég átti að hitta Rut uppí skóla kl.13:20, einhverra hluta vegna var ég ekki með símann hennar. Tölvan mín tók þá uppá því að verða batterýslaus. Ég reyndi að ná í fólk til að redda mér í vísó og finna númerið hennar Rutar. En allt kom fyrir ekki, enginn var við tölvuna. Mér var tjáð af Önnu Huldu að uppfullt væri í vísindaferðina. Ég ætlaði að bruna af stað uppí skóla og reyna að finna Rut og skrá mig á biðlistann, en bílinn var auðvitað frosinn. Loksins þegar ég náði að troða mér í gegnum á skottið á bílnum þá var bílinn bensínlaus.
Núna er ég númer 64 í vísindaferðina....ég sem var svooo samviskusöm að setjast inn í sjoppu með Brynju í gær klukkan eitt til að refresha í korter, þegar klukkan var korter yfir sáum við það að við fórum dagavillt! Svo svaf ég yfir skráninguna í dag.

Ekki nógmeð það þá ákvað ég að sækja um vinnu á netinu í dag...neinei þegar ég var búin að gera alles rafrænt í hálftíma kom medling um það að umsóknina þarf að skrifa í Explorer, óboj. Ég copy paste-a það sem ég get og endurgeri ýmislegt úr Firefox í Explorer. Þá tek ég eftir því að senda umsóknina gengur ekki vegna þess að ég er með lokað fyrir pop up. Ég tek pop upið af og þá hverfur allt sem ég hef skrifað í umsóknina. Ég eyddi því einum og hálfum tíma í auma starfsumsókn.

Ég er farin út í göngutúr og vona að ég detti ekki í hálkunni